მარგვეთისა და უბისის ეპარქიის მეუფე დიმიტრი (კაპანაძე) მშობლიურ ლაშის საჯარო სკოლას ესტუმრა. სკოლაში გამორჩეული და ამაღლებული განწყობა სუფევდა.
MEEUFE DA BAVSHVEBI„სასკოლო ღონისძიებას ვგეგმავდით, – აღნიშნა შეხვედრაზე სკოლის პედაგოგმა ჯუმბერ კვინიკაძემ, – დირექტორმა ნანა აბესაძემ საპატიო სტუმრების მოწვევა გადაწყვიტა. ცოტა შემეშინდა, – თითებზე ჩამოსათვლელი მოსწავლეებით კარგ ღონისძიებას რამდენად ჩავატარებდით. ქალბატონმა ნანამ მითხრა და მეც დავეთანხმე, რომ მეუფე დიმიტრისთან შეხვედრა ჩვენი სკოლის მოსწავლებისთვის დიდი მოვლენა იქნებოდა.“
ღონისძიების პირველი ნაწილი მეფე დავით აღმაშენებელს მიეძღვნა. მოსწავლეებმა ისაუბრეს დავით აღმაშენებლის ცხოვრებისა და მოღვაწეობის შესახებ, წაიკითხეს მეფისადმი მიძღვნილი ლექსები, არაჩვეულებრივად წარმოადგინეს  ჯუმბერ კვინიკაძის სცენარის მიხედვით დაწერილი მინიატურები „მიშველე, ტარიელ,“ „მიგვიღე ნატოში“ და „მუხამბაზი“.
MEUFE_DIMITRI_LASHESHI
ღონისძიების მეორე ნაწილი იზა ვეფხვაძის წიგნის პრეზენტაციას დაეთმო. წიგნში თავმოყრილია  ხარაგაულისადმი მიძღვნილი ლექსები. მოსწავლეებმა წაიკითხეს ლექსები ამ წიგნიდან.
ღონისძიების ბოლოს მეუფე დიმიტრიმ დიდი მადლობა გადაუხადა ლაშის საჯარო სკოლის მოსწავლეებსა და მასწავლებლებს ლამაზი საღამოსთვის. „ბედნიერი ვარ და ვამაყობ იმით, რომ ეს სკოლა დავამთავრე, – აღნიშნა მეუფე დიმიტრიმ, – თუმცა, მაშინ ვერ ვიაზრებდი, რას ნიშნავდა იმ სასულიერო პირის – სიმონ მჭედლიძის – მიერ დაარსებულ სკოლაში სწავლა, რომელიც შემდეგ წმინდანად შერაცხეს. დიდი ბედნიერებაა, რომ ამ სკოლაში ვარ მოწვეული როგორც მღვდელმთავარი. მინდა ყველას მოვუწოდო, განსაკუთრებით ახალგაზრდებს, რომ მშობლიურ სკოლას დავუდგეთ გვერდით, არ დაგვავიწყდეს პედაგოგები, რომლებმაც ცოდნას გვაზიარეს, ის მერხი, სადაც ვისხედით და ჭერი, რომელიც გვფარავდა. რა საშუალებაც გვექნება, იმით უნდა დავეხმაროთ ჩვენს სკოლასა და სოფელს.“
RONISZIEBA_MEUFE
ღონისძიების მონაწილეებს მიესალმენ საგანმანათლებრლო რესურსცენტრის უფროსი დავით კიკნაძე, მუნიციპალიტეტის გამგებელი კობა ლურსმანაშვილი, სკოლის დირექტორი ნანა აბესაძე, ლიტერატურული თეატრის ხელმძღვანელი იზა ვეფხვაძე.
ნინო კაპანაძე